想知道我的體重、脂肪比率嗎？🤩
⋯
⋯
⋯
當然唔可以公開啦🤣 體重、實際年齡係女人最大嘅秘密！
唯一可以講嘅係：我嘅身體年齡係23！✌🏻
最近公司添置咗部tanita 智能身體組織分析儀，內置2021年最新數式，去準確計算身體的脂肪比率、四肢及肚腩嘅脂肪分布、肌肉分布、肌肉品質、身體水份、骨量、身體年齡及體型判斷～
我自己屬於「運動不足型」，鬼叫我平時真係冇做運動咩，真係想呃都呃唔到部機🤣 我嘅脂肪比率合格，但係稍為少肌肉，所以即係要靠運動➕運動前後食多啲澱粉質蛋白質去增加肌肉💪🏻
而最近有啲會員屬於「隱性肥胖型」，即係明明望落去已經好瘦，但啲肉鬆泡泡嘅「泡芙人」～因為佢哋嘅肌肉比較少，而脂肪比率過高！平日會經常容易攰，行多幾步路都無力😮💨 所以就要努力增肌減脂，體型先會更靚更有線條、精神有活力、減低心血管毛病風險！
重點❗️脂肪分布都好重要❗️有啲人脂肪比率只係稍為超標，但脂肪大部份累積在「肚腩」，內臟脂肪超標，特別影響肝臟和心臟健康！好多人多應酬飲酒、食得太多澱粉或者甜品果汁、喺Office坐得多、做錯運動，都會影響身體脂肪分布！
所以如果只係用體重或脂肪比率去分析，都未夠準確～一定要衡量埋肌肉量、脂肪分布、內臟脂肪等等！之後先可以根據飲食及生活習慣，仔細分析成因，對症下藥！
如果大家有興趣參加營養師諮詢課程（減磅/ 增肌/ 減三高），每個月都係平均大約千幾蚊～ 有興趣就inbox 我啦😉
p.s. 現會員們都可以用呢部新機去作體格分析😉
而且定期列印報告去比較進度，咁就知道自己係咪真係減緊脂肪 / 增加肌肉啊😉 註冊營養師同體適能運動教練會因應你嘅狀況，更準確地調整飲食及運動建議！
Search